|
|
AL SORE... E I RAZ
L'era d'agost, quand'ecco un pori raz,
ferid da la sassèda d'un ragaz,
l'andò s'un'ela rotta e ad sangue intrisa,
a punsès s'la finestra d'una Cisa.
Da e finestrèin de su cunfessiunèl,
e prit l'ha vest t'un attim cl'animèl,
ma pò, nutand che in fond, puged me mur
ui era una gran fòlla ad peccadur,
l'ha trat una tendina e s'aria intenta
l'è artorne ancora a cunfessè la genta.
E mentre che la masa dal persomne
al giva ti cantòm agli uraziòmne,
un om us'è accusté ma cla finestra
e slungand pianin la mèna destra,
biench in t'la facia piò d'un pandalèt,
la ciap che raz e us l'è masè in te pèt.
All'impruvvis tla Cisa us'è sintì
un sbat ad ele e un gran ci-uì, ci-uì.
E prit, sintend la vosa ad cl'animèl,
l'ha cmènz a urlì da e su cunfessiunèl:
"Fratelli, chi ha l'uccello, per favore,
vada fuori dal Tempio del Signore!"
Allora i umne, a testa basa e storta,
i aveva cmènz andè tott .. vers la porta.
Però e prit, dop che sbai isè madurnèl,
l'ha urlì che in fond us era spieghè mèl,
"Rientrate tutti, e statemi a sentire!
Sol chi ha preso l'uccello, deve uscire! "
A testa basa al dòne, bele e brotte,
per andè via li s'era alzède totte.
Ma e prit, capènd e sbai un'ènta vòlta,
l'ha ciamè al dòne intorna a lò a raccolta.
"Rientrate, figlie mie, cosa vi ha preso?!
Son certo che mi avete frainteso...
ma come ho detto vi ritorno a dire
che chi ha preso l'uccello, deve uscire,
e mi rivolgo, perchè sia d'intesa,
a chi ha preso l'uccello entro la chiesa!"
Propria at che stess mumènt...
al Sore a gli è stè sò pine as spavènt
e a testa basa e in facia un gran russor...
a gli è scape da la chesa de Signor!
O’Brien Olmeda
da "Rime pruibide" ("Rime proibite")
|
|