|
|
LA SGONDA ETA'
Quand om l'è pas i quarent'an,
a stè me mond... e dà sno dan.
E fà tre pas, e dventa strach,
l'avrà madòs tre mella acciach;
ui cmènza a dòl tott'al custecce,
l'ha la facia pina ad grecce;
i cavell iè dvènt tott binch,
ui screcca agli ose, ui dol i stinch;
l'ha la pènza che l'hai crèss,
l'ha un cervel pin ad "cumplèss";
Ma lò l'è grand, us da de pes,
però l'è sol cal... quatre e mes.
L'è succes i che te post,
se a ne cridì... dmandèl ma l'òst,
o per dì mei, dmandèl ma Zvàn...
che l'ha pas i quarent'an!
O’Brien Olmeda
da "Rime pruibide" ("Rime proibite")
|
|